Бир неча кундан кейин «Барселона» Испания чемпионатининг янги мавсумига тайёргарликни бошлайди.

Журналист Фернандо Полонинг хабар беришича, пайшанба куни, яъни 9 июлдаёқ «Барселона» бош мураббийи Ханс-Дитер Флик таътилдан қайтади ва ёзги йиғинлар бошланишига тайёргарлик кўриш учун иш жойига етиб келади. Футболчилар клуб базасига 13 июль куни келиши, каталонияликлар илк ўртоқлик учрашувини эса 24-санада Европа жамоасига қарши ўтказиши қайд этилган.

Эслатиб ўтамиз, «Барселона» — Испаниянинг амалдаги чемпиони ҳисобланади. Флик шогирдлари ўтказилган 38 та турда 94 очко жамғариб, Мадриднинг «Реал» клубини 8 очкога ортда қолдиришганди.