«Астон Вилла»нинг ҳужумкор ярим ҳимоячиси Морган Рожерс фаолиятини Лондоннинг «Арсенал» клубида давом эттириши мумкин. Бу ҳақда The Athletic хабар бермоқда.
Манбанинг маълумотига кўра, 23 ёшли Рожерс жорий ёзда «канонирлар»нинг ҳужум чизиғини кучайтириш учун устувор трансфер мақсадига айланган. Футболчининг ўзи «Арсенал» билан 2031 йилгача мўлжалланган шартнома шартларини келишиб олган.
Таъкидланишича, «Астон Вилла» ўз юлдузининг сотувидан тахминан 117–152 миллион евро ишлаб олишни кўзламоқда.
Якунланган клуб мавсумида Рожерс барча мусобақаларни ҳисобга олган ҳолда 55 та ўйинда майдонга тушиб, 14 та гол урди ва 12 та голли узатма муаллифига айланди.
