Ярим ҳимоячи Даити Камада «Кристал Пэлас» билан шартномани узайтириш бўйича келишувга эришди. Бу ҳақда инсайдер Фабрицио Романо маълум қилди.
Манбанинг маълумотига кўра, келишувнинг барча тафсилотлари аллақачон келишиб олинган ва расмийлаштириш яқин 24 соат ичида кутилмоқда. Янги шартнома 2027 йилнинг июнига қадар мўлжалланган.
Япониялик ярим ҳимоячининг амалдаги шартномаси 2026 йилнинг ёзида якунига етаётган эди. Камада «Кристал Пэлас» сафида 2024 йилнинг июлидан буён тўп суради; ўшанда у «Лацио»дан кетгач, эркин агент сифатида клубга ўтганди.
29 ёшли футболчи якунланган мавсумда барча турнирларда 46 та ўйин ўтказиб, 1 та гол ва 5 та голли узатмага муаллифлик қилди. Унинг клуби Конференциялар лигаси ғолибига айланди.
