Ҳужумчи Жонатан Дэвид омадсиз дебют мавсумига қарамай, фаолиятини «Ювентус»да давом эттиришдан умидвор. Бу ҳақда La Gazzetta dello Sport хабар бермоқда.
Манбага кўра, Дэвид ўзини энг яхши томондан кўрсатиш учун иккинчи имкониятга эга бўлишни истамоқда. Шу билан бирга, туринликлар асосий таркиб учун янги ҳужумчи изламоқда ва «ПСЖ»дан Рандаль Коло-Муанини трансфер қилиш устида ишлашда давом этмоқда. Бундан ташқари, клуб аллақачон «Женоа»дан ёш ҳужумчи Жефф Эхаторни ўз сафига қўшиб олди.
Дэвиднинг юқори маоши (йилига тахминан 6 миллион евро) унинг сотилишини мураккаблаштирмоқда.
Канадалик футболчи «Ювентус»га 2025 йилнинг ёзида эркин агент сифатида ўтганди. Дэвид ўтган мавсумда А Серияда 35 та ўйинда атиги 6 та гол урди ва профессионал фаолиятида илк бор чемпионат доирасида 10 та гол маррасига ета олмади.
