"Манчестер Юнайтед" клуби ярим ҳимоячи Андрей Сантосни "Челси" сафидан ўз таркибига қўшиб олиш бўйича музокараларни бошлади. Daily Mail хабарига кўра, томонлар аллақачон бўлажак битим тафсилотларини муҳокама қилмоқда.
"Челси" 22 ёшли хавбекни қўйиб юборишга тайёр, бироқ унинг нархини тахминан 59 миллион евро деб баҳоламоқда. Клублар ўртасидаги музокаралар давом этмоқда.
Сантос Лондон жамоасига 2023 йилда Бразилиянинг "Васко да Гама" клубидан келиб қўшилган эди. Ўтган мавсумда у "Челси" сафида барча турнирларда 43 та ўйин ўтказиб, учта гол урди ва бир неча ижара муддатларидан сўнг асосий таркибдан мустаҳкам ўрин эгаллади.
Сантоснинг "Челси"ни тарк этишига туртки бераётган омиллардан бири бу — клуб билан шартномасини 2033 йилгача узайтирган Мойзес Кайседо билан бўлган рақобатдир.
