Гарри Уилсон "Фулхэм"дан "Лидс"га ўтди. Уэльслик футболчи Йоркшир клубига эркин агент мақомида келиб қўшилди ва тўрт йиллик узоқ муддатли шартнома имзолади.
Эслатиб ўтамиз, ўтган мавсумда Уилсон "дала ҳовли эгалари"нинг энг яхши ўйинчиларидан бирига айланган эди. У Англия Премьер-лигасининг 36 та учрашувида 10 та гол урди ва еттита голли узатмани амалга оширди. Уилсон ўз фаолиятининг беш йилини "Фулхэм"да ўтказди. 2015 йилдан 2021 йилгача бўлган даврда у ўз она клуби "Ливерпуль" тизимида бўлган, бироқ бу вақт ичида "қизиллар"нинг асосий таркибида бирор марта ҳам майдонга тушмай, беш марта ижарага берилган эди.
"Лидс" ҳам, "Фулхэм" каби, АПЛнинг ўтган мавсумини турнир жадвалининг ўртасида якунлаб, муддатидан аввал қуйи лигага тушиб кетиш хавфидан қутулиб қолганди. "Товуслар" 47 очко билан якуний 14-ўринни, лондонликлар эса 52 очко билан 11-ўринни эгаллади.
