Франция терма жамоаси бош мураббийи Дидье Дешам ҳужумчи Килиан Мбаппенинг парагвайлик сенатор Селеста Амарилья билан бўлган можаросидан кейинги ҳолати ҳақида гапириб ўтди.
«Килианнинг аҳволи яхши. Нима бўлишидан қатъи назар, мен ортга қараб, бу ҳақда яна ўйлашни истамайман. У ҳам руҳан, ҳам жисмонан жуда кучли йигит. У фақат эртанги ўйинга эътибор қаратган», — деди мураббий матбуот анжуманида.
ЖЧ-2026 1/8 финалида Парагвайга қарши кечган (Франция 1:0 ҳисобида ғалаба қозонган) ўйиндан сўнг, Амарилья 27 ёшли Мбаппени «ўта мағрур ва ўзини француз деб кўрсатаётган хунук камерунлик» деб атаганди. Бунга жавобан футболчи Амарильяни ўз лавозимига нолойиқ, тубан аёл деб атади. Сенатор эса ўйинчини судга бериш билан таҳдид қилмоқда.
ЖЧ-2026да Мбаппе бешта ўйинда еттита гол урган. 9 июль куни Франция чорак финалда Марокаш билан тўқнаш келади.
