«Айнтрахт» ярим ҳимоячиси Жан Узун фаолиятини Италияда давом эттириши мумкин.
Bild нашрига кўра, «Милан» клуби 20 ёшли футболчини ўз сафига қўшиб олишдан манфаатдор. Немис клуби ўз хавбекининг трансфери бўйича таклифларни эшитишга тайёр. «Айнтрахт» Узунни 45 миллион евро эвазига сотиши мумкин.
Жан Узун 2024 йилда «Нюрнберг»дан «Айнтрахт»га 11 миллион еврога ўтган эди. Унинг шартномаси 2029 йилнинг 30 июнига қадар мўлжалланган. 2025/26 йилги мавсумда ярим ҳимоячи немис клуби сафида барча турнирларда 28 та ўйинда майдонга тушиб, ўнта гол урди ва олтита голли узатмани амалга оширди. Transfermarkt портали Узуннинг қийматини 45 миллион еврога баҳоламоқда.
