«Ayntraxt» yarim himoyachisi Jan Uzun faoliyatini Italiyada davom ettirishi mumkin.

Bild nashriga ko‘ra, «Milan» klubi 20 yoshli futbolchini o‘z safiga qo‘shib olishdan manfaatdor. Nemis klubi o‘z xavbekining transferi bo‘yicha takliflarni eshitishga tayyor. «Ayntraxt» Uzunni 45 million yevro evaziga sotishi mumkin.

Jan Uzun 2024 yilda «Nyurnberg»dan «Ayntraxt»ga 11 million yevroga o‘tgan edi. Uning shartnomasi 2029 yilning 30 iyuniga qadar mo‘ljallangan. 2025/26 yilgi mavsumda yarim himoyachi nemis klubi safida barcha turnirlarda 28 ta o‘yinda maydonga tushib, o‘nta gol urdi va oltita golli uzatmani amalga oshirdi. Transfermarkt portali Uzunning qiymatini 45 million yevroga baholamoqda.