«Реал Мадрид» ҳимоячиси Рауль Асенсио фаолиятини Туманли Альбионда давом эттириши мумкин. Испаниялик футболчининг хизматларига Лондоннинг «Арсенал» клуби қизиқиш билдирмоқда, дея хабар беради OK Diario интернет-портали.
Манбанинг маълумотларига кўра, «Арсенал» Асенсиони Бен Уайтга ўринбосар сифатида кўрмоқда. «Реал» 23 ёшли испаниялик футболчи билан 50 миллион евро эвазига хайрлашишга тайёр. Аввалроқ Раулга Италиянинг «Лацио» клуби ҳам қизиқиш билдирган эди, бироқ римликлар «Реал»нинг молиявий талабларини қондира олишмади.
Якунланган мавсумда Асенсио барча мусобақаларда 34 та ўйинда майдонга тушиб, иккита гол урди ва битта голли узатмани амалга оширди. Transfermarkt портали маълумотларига кўра, футболчининг бозор қиймати 20 миллион еврони ташкил этади.
