«Бавария»нинг собиқ ҳужумчиси Томас Мюллер Германия футбол иттифоқининг Юрген Клопп номзодини танлагани борасидаги фикрлари билан ўртоқлашди. Ушбу мутахассис Германия миллий терма жамоасини бошқариши кутилмоқда.
«Клопп фойдасига қилинган танлов жуда қизиқ, чунки у шунчаки мураббий ёки фақатгина муваффақиятли мураббий бўлган инсон эмас. Ўзининг ҳозирги ролида [Red Bull тизимида] у тузилмалар ва ташкилий жараёнларни яратиш билан ҳам шуғулланмоқда. Гап шунчаки тактик доскага исмларни ёзадиган янги мураббийни олиб келишда эмас; зарур ўзгаришлар амалда ҳаётга тадбиқ этилиши учун тўғри тузилмаларни жорий қилиш муҳим аҳамиятга эга.
Англияда мураббийлик қилганингизда, сиз шунчаки мураббийдан анча юқорироқ фигурага айланасиз. Сиз бевосита ишнинг ўзидан анча йироққа чиқадиган бутунлай бошқача жараёнлар ва фикрлаш тарзига жалб қилинасиз», — деди Мюллер.
Эслатиб ўтамиз, Юрген Клопп 2015 йилдан 2024 йилгача «Ливерпуль» клубини бошқарган. Унинг қўл остида «қизиллар» 8 та совринга эга чиқишган, улар орасида АПЛ ва Чемпионлар лигаси ғолиблиги ҳам бор.
