«Челси» матбуот хизмати ярим ҳимоячи Жесси Дерри билан шартнома узайтирилганини эълон қилди.
Ёш футболчи билан тузилган янги келишув 2032 йилнинг 30 июнига қадар мўлжалланган. Ўйинчи Лондон клуби сафидаги дебютини жорий йилнинг февраль ойида Англия кубоги доирасида «Халл Сити»га қарши ўйинда ўтказган эди.
«Келажагимни «Челси» каби буюк клубга боғлаш — бу орзуларнинг ушалиши. Олдинда мени нималар кутаётганидан ҳаяжондаман. Сўнгги 12 ой ичида ўзимни «Челси»га илк бор келган пайтимдагидан бутунлай бошқача футболчи сифатида ҳис қиляпман ва бу мен ишлаган барча мураббийларнинг хизматидир. Ўтган мавсумда асосий жамоада бироз ўйнаш тажрибасига эга бўлгач, карьерамни давом эттириш учун бундан яхшироқ жойни тасаввур қила олмасдим», — деди Дерри.
Эслатиб ўтамиз, Жесси Дерри «Челси» сафига 2025 йилнинг ёзида «Кристал Пэлас»дан ўтган эди. Май ойида футболчи «Ноттингем»га қарши ўйинда ҳушидан кетиб, жиддий жароҳат олганди.
