Ярим ҳимоячи Андрей Сантос шу ёзда «Челси»ни тарк этиши мумкин.
Журналист Саймон Филлипснинг маълумотларига кўра, бразилиялик футболчи «Манчестер Юнайтед»га ўтишга яқин турибди. Лондон клуби Сантоснинг ўринбосари сифатида «Борнмут» хавбеки Алекс Скоттни кўриб чиқмоқда. Аммо ҳозирча «кўклар» ўйинчининг трансфери бўйича музокараларга киришгани йўқ.
Алекс Скотт 2023 йилда «Бристол»дан «Борнмут»га 23 миллион евро эвазига ўтган эди. Унинг шартномаси 2028 йилнинг 30 июнига қадар мўлжалланган.
2025/26 йилги мавсумда ярим ҳимоячи клуб миқёсида барча турнирларда 39 та ўйин ўтказиб, 4 та гол урди ва 1 та голли узатмани амалга оширди. Transfermarkt портали Скоттнинг қийматини 50 миллион еврога баҳоламоқда.
