«Манчестер Юнайтед» «Борнмут» ярим ҳимоячиси Алекс Скоттнинг трансфери бўйича ҳали якуний қарорга келгани йўқ.
Football Insider хабарига кўра, «қизил иблислар» 22 ёшли ярим ҳимоячи учун курашиш керакми ёки йўқ, деган саволни ҳал қилишмоқда. Клуб раҳбарияти Скотт учун кетадиган умумий харажатларни жуда юқори деб ҳисобламоқда, шу боис бошқа номзодларни кўриб чиқишда давом этмоқда.
Аввалроқ, Скоттнинг трансфери «Манчестер Юнайтед»га тахминан 93,6 миллион еврога тушиши мумкинлиги хабар қилинганди.
2025/26 йилги мавсумда Скотт барча мусобақаларда жами 39 та ўйинда майдонга тушди. Ушбу ўйинларда у тўрт марта рақиблар дарвозасини ишғол қилди ва битта голли узатмага муаллифлик қилди.
