"Манчестер Сити" ва "Тоттенхэм" Франсишку Тринканни "Ал Аҳли"дан тортиб олишга ҳаракат қилмоқда.
Сўнгги кунларда Португалияда Тринканни Саудия Арабистонига ўтишга яқинлиги ҳақида хабарлар пайдо бўлди. Потенциал трансфер нархи 43 миллион фунт стерлингга баҳоланган эди.
Энди, Record нашрининг хабар беришича, футболчи Саудия Арабистонига ўтишга шошилмаяпти, чунки Премьер-лиганинг иккита клуби - "Манчестер Сити" ва "Тоттенхэм" унга қизиқиш билдиришган.
У дарҳол "Ал Аҳли" билан шартнома имзолаш ўрнига, Португалиянинг Жаҳон чемпионатидан чиқиб кетиши ортидан вақт ажратиб, имкониятларини кўриб чиқишга қарор қилди.
