Испания терма жамоаси бош мураббийи Луис де ла Фуэнте ЖЧ-2026 доирасидаги Бельгияга қарши ўйинда Микель Мерино томонидан киритилган ғалаба голини изоҳлади.
Чорак финал учрашуви испанияликлар фойдасига 2:1 ҳисобида якунланди. Мерино 86-дақиқада майдонга тушди ва деярли дарҳол ғалаба голини урди. Бу у кетма-кет иккинчи ўйинда гол уриши бўлди.
«Микель бетакрор. Унда шунчалик кўп сифатлар бор! У исталган позицияда ўйнай олади. Унинг бизда борлиги — катта омад. Бизга қачон керак бўлса, у доим тайёр», — деди испаниялик мураббий журналистларга.
Жаҳон чемпионати ярим финалида Испания терма жамоаси Франция билан баҳс олиб боради. Ўйин 14-июл куни бўлиб ўтади.
