«Зальцбург» ҳужумчи Харис Табакович билан шартнома имзолади. Келишув 2029 йилнинг 30 июнига қадар мўлжалланган.
Transfermarkt маълумотларига кўра, трансфер суммаси беш миллион еврони ташкил этди.
29 ёшли босниялик футболчининг аввалги жамоаси «Хоффенхайм» бўлиб, у ерда 2024 йилдан буён тўп сураётган эди.
2025/26 йилги мавсумда Табакович Менхенгладбахнинг «Боруссия» клубида ижара асосида ўйнади. У 35 та ўйинда майдонга тушиб, 15 та гол урди ва иккита голли узатмани амалга оширди.
Transfermarkt портали Босния ва Герцеговина терма жамоаси футболчисини 3,5 миллион еврога баҳоламоқда.
