Аргентина футбол ассоциацияси хабарига кўра, Аргентина терма жамоасининг собиқ футболчиси Антонио Раттин 90 ёшида оламдан ўтди. Ташкилот футболчининг ўлим сабабини маълум қилмади.

Ярим ҳимоячи бутун профессионал фаолиятини «Бока Хуниорс» клубида ўтказган ва у билан тўрт марта Аргентина чемпиони бўлган.

Миллий терма жамоа сафида футболчи 34 та ўйинда майдонга тушиб, битта гол урган. У 1962 ва 1966 йилги Жаҳон чемпионатларида иштирок этган.