«Челси»нинг собиқ эгаси ва президенти Кен Бейтс 94 ёшида оламдан ўтди. У ўз вақтида клубни 1 (бир) фунт стерлингга сотиб олган эди. Бу воқеа 1982 йилда, Лондон клуби Англия футболи иккинчи дивизионида ачинарли аҳволда бўлган ва тарихидаги энг оғир молиявий инқирозни бошидан кечираётган пайтда юз берган. Бейтс клубни йигирма йилдан ортиқ вақт давомида — Роман Абрамовичга сотгунига қадар бошқарди.
Албатта, шундан сўнг клуб тарихида янги эра бошланди, аммо Бейтс даврида ҳам муваффақиятлар бўлган — масалан, Англия Кубогида иккита ғалаба, Кубок эгалари Кубоги ва УЕФА Суперкубогидаги зафарлар. Унинг қўл остида Рууд Гуллит, Роберто ди Маттео каби футболчилар тўп суришган, шунингдек, Франк Лэмпард ҳам фаолиятини айнан шу ерда бошлаган.
