Бельгия терма жамоаси дарвозабони Тибо Куртуа 2026 йилги жаҳон чемпионатидан четда қолганидан сўнг, терма жамоа посбони Сенне Ламменсни қўллаб-қувватлади.
«Ўйиндан сўнг Сеннени маҳкам қучоқладим. Бундан ортиқ ҳеч нарса қила олмайман. У яхши дарвозабон, бу тажриба уни янада чиниқтиради, шунинг учун ҳаммаси жойида. Ҳозир унга бирон бир насиҳат ёки маслаҳатнинг кераги йўқ. У босиқ, характерли инсон ва ишонаманки, унда ҳаммаси яхши бўлади», — дея Куртуанинг сўзларидан иқтибос келтиради ESPN.
Аввалроқ Бельгия жорий жаҳон чемпионатининг 1/4 финалида Испанияга 1:2 ҳисобида мағлуб бўлган эди. Куртуа 1:1 ҳисобида жароҳати туфайли 71-дақиқада майдонни тарк этишга мажбур бўлганди. Турнирдаги дебютини ўтказган Ламменс асосий вақт якунида, 88-дақиқада ҳимоячи Пау Кубарсининг узоқ масофадан йўллаган зарбасини қайтара туриб, тўпни ўз олдига қўйиб юборди ва испаниялик ярим ҳимоячи Микель Мерино тўпни дарвозага киритди.
