«Брентфорд» ва Англия терма жамоаси ярим ҳимоячиси Жордан Хендерсон ўз жароҳати билан боғлиқ саволларга жавоб қайтарди. Жордан ЖЧ-2026 1/8 финалида Мексика устидан қозонилган ғалабадан (3:2) сўнг, реклама баннеридан ошиб ўтиш чоғида билагини шикастлаб олган эди.

Тикланиш жараёни ҳақида: «Ҳаммаси жойида, раҳмат. Бу фаолиятимдаги энг яхши дамлар эмасди, аммо [жамоанинг] асосий вазифаси майдонга чиқиш, ғалаба қозониш ва чорак финалга йўл олиш эди. Биз буни уддаладик ва энг муҳими шу. Сўнгги бир неча кун бироз оғир ўтди, аммо лагерга қайтиб, йигитларни кўрганимдан сўнг анча яхши бўлдим. Бизда ажойиб тиббиёт жамоаси бор ва мен бундан жуда миннатдорман. Канзасдаги шифокорлар ва жарроҳлар ҳам жуда яхши ишлашди, уларга ҳам катта раҳмат. Жамоанинг бир қисми бўлиб турганимдан хурсандман».

У жаҳон чемпионатида майдонга туша оладими? «Муаммоларни улар пайдо бўлганида ҳал қиламиз», — деди Хендерсон.

Англия ЖЧ-2026 ярим финалида 15 июль куни Аргентинага қарши ўйнайди, ўйин Тошкент вақти билан соат 00:00 да бошланади.