«Борнмут»нинг 20 ёшли ҳужумчиси Эли Жуниор Крупи фаолиятини «Тоттенхэм»да давом эттириши мумкин.
TEAMtalk хабарига кўра, «ПСЖ» эътиборини «Барселона» ҳужумчиси Ферран Торресга қаратганидан сўнг, «Тоттенхэм»нинг Крупини сотиб олиш имкониятлари сезиларли даражада ошди. Футболчининг ўзи ҳам клуб алмаштиришга тайёр.
Манбага кўра, яқин вақт ичида «шпорлар» 20 ёшли франциялик футболчи учун «Борнмут»га тахминан 100 миллион евро таклиф қилишни режалаштирмоқда.
Ўтган мавсумда Крупи барча мусобақаларда 35 та учрашувда майдонга тушиб, 13 та гол муаллифига айланди.
