«Барселона» президенти Жоан Лапорта вингер Рафинья Диаснинг клубдаги келажаги ҳақида ўз фикрини билдирди.

Миш-мишлар бир неча ойдан бери юлдуз бразилиялик футболчини жамоадан кетиши билан боғлаб келмоқда, аммо «кўк-анорранглилар» бу маълумотларни тасдиқламаяпти.

«Биз Рафиньянинг кетишини истамаймиз. У бизнинг асосий ўйинчимиз бўлиб қолмоқда. Гордон ва Адейеми билан шартнома имзоланиши Рафиньянинг кетишидан дарак бермайди — бу ерда ҳеч қандай боғлиқлик йўқ», — деди Лапорта Mundo Deportivo нашрига берган интервьюсида.

29 ёшли футболчининг «Барселона» билан амалдаги шартномаси 2028 йилнинг ўрталаригача мўлжалланган. Ўтган мавсумда у Ханс-Дитер Флик бошчилигидаги жамоа сафида 33 та ўйинда майдонга тушиб, 21 та гол урди ва саккизта голли узатмани амалга оширди.