37 ёшли дарвозабон Янн Зоммер ўзига янги клуб топди. Яқин вақт ичида швейцариялик посбон эркин агент сифатида Бельгиянинг «Брюгге» клуби билан қисқа муддатли меҳнат шартномасини имзолайди. Бу ҳақда машҳур инсайдер Фабрицио Романо ўз ижтимоий тармоқларида хабар бермоқда.
Яқинда Зоммер 2023 йилдан буён тўп суриб келган Миланнинг «Интер» клубини тарк этганди. Ўтган мавсумда дарвозабон барча турнирларда 43 та ўйин ўтказиб, 30 та гол ўтказиб юборди. Зоммер 15 та учрашувда дарвозаси дахлсизлигини сақлаб қолди. Посбоннинг ишончли ўйини «нерадзуррилар»га А Серия олтин медалларини қўлга киритишга ёрдам берди.
Бельгия чемпионатининг якунланган мавсумида «Брюгге» биринчи ўринни эгаллаган эди.
