«Барселона» «Хоффенхайм» ҳужумчиси Фисник Аслланига бўлган қизиқишни давом эттирмоқда. Бу ҳақда sport.es нашри хабар берди.

23 ёшли форварднинг номи «Камп Ноу»га эҳтимолий ўтиш муносабати билан ОАВда бир неча бор тилга олинган. «Барселона» янги мавсум олдидан ҳужум чизиғида ўзгаришлар қилишни режалаштирмоқда ва Асллани «Пари Сен-Жермен»га ўтиши мумкин бўлган Ферран Торреснинг ўрнига номзод сифатида кўрилмоқда.

«Хоффенхайм» спорт директори Андреас Шикер клуб футболчининг келажаги бўйича музокаралар олиб бораётганини тасдиқлади.

«Биз ҳам немис, ҳам хорижий клублар билан музокаралар олиб боряпмиз. Фисник Аслланининг шартномасида товон пули борлиги сир эмас», — деди Шикер.

Ҳужумчи учун тўланадиган товон пули миқдори тахминан 30 миллион еврони ташкил этади.