«Barselona» «Xoffenxaym» hujumchisi Fisnik Asllaniga bo‘lgan qiziqishni davom ettirmoqda. Bu haqda sport.es nashri xabar berdi.
23 yoshli forvardning nomi «Kamp Nou»ga ehtimoliy o‘tish munosabati bilan OAVda bir necha bor tilga olingan. «Barselona» yangi mavsum oldidan hujum chizig‘ida o‘zgarishlar qilishni rejalashtirmoqda va Asllani «Pari Sen-Jermen»ga o‘tishi mumkin bo‘lgan Ferran Torresning o‘rniga nomzod sifatida ko‘rilmoqda.
«Xoffenxaym» sport direktori Andreas Shiker klub futbolchining kelajagi bo‘yicha muzokaralar olib borayotganini tasdiqladi.
«Biz ham nemis, ham xorijiy klublar bilan muzokaralar olib boryapmiz. Fisnik Asllanining shartnomasida tovon puli borligi sir emas», — dedi Shiker.
Hujumchi uchun to‘lanadigan tovon puli miqdori taxminan 30 million yevroni tashkil etadi.
