«Фрайбург» ярим ҳимоячиси Йохан Манзамби «Астон Вилла»га ўтишга яқин турибди. The Athletic хабарига кўра, Бирмингем клуби 20 ёшли швейцариялик футболчининг трансфери бўйича музокараларнинг якуний босқичида турибди.
Аввалроқ «Ньюкасл» «Фрайбург» билан келишув шартларини келишиб олган эди, бироқ Манзамби ўз келажаги борасида якуний қарорга келмаганди. Бундан «Астон Вилла» унумли фойдаланди: клуб музокараларни тезлаштирди ва футболчини «Вилла Парк»га кўчиб ўтишга кўндира олди.
Ўтган мавсумда Манзамби «Фрайбург» сафида 47 та ўйин ўтказиб, 7 та гол урди ва 9 та голли узатмани амалга оширди. Жорий жаҳон чемпионатида эса ярим ҳимоячи 3 та гол муаллифи бўлди ва Швейцария терма жамоасига чорак финалга қадар етиб боришда ёрдам берди.
