«Милан» ва Франция терма жамоасининг марказий ярим ҳимоячиси Адриен Рабио ёзги трансфер ойнасида клубни ўзгартириши мумкин. La Gazzetta dello Sport нашрининг хабар беришича, ярим ҳимоячига «Наполи» қизиқиш билдирмоқда.

Манбага кўра, неаполитанликлар бош мураббийи Массимилиано Аллегри «россонерилар» сафида бирга ишлаган Рабиони ўз жамоасида кўришни истайди.

Рабионинг ўзи «Милан»дан кетишни режалаштирмаганди, бироқ «Наполи»нинг келаси мавсумда Чемпионлар лигасида иштирок этиши футболчининг қарорига таъсир қилиши мумкин. Маълумки, миланликлар фақат Европа лигасига йўлланма олган.

Рабьо ва «Милан» ўртасидаги амалдаги шартнома 2028 йилнинг ёзигача мўлжалланган. Transfermarkt 31 ёшли ярим ҳимоячини 18 миллион еврога баҳоламоқда.