Франция терма жамоаси ҳимоячиси Ибраҳима Конате бўлажак учрашув олдидан рақиб — Испания терма жамоаси ҳақидаги фикрлари билан ўртоқлашди.
Конатенинг таъкидлашича, жамоа диққат-эътиборини фақатгина бир футболчига қаратмаслиги керак, чунки рақиб таркибида хавф туғдира оладиган ижрочилар етарлича.
"Биз фақат Ламин Ямалга қарши қандай ҳимояланиш ҳақида ўйламаймиз. Чунки Испания терма жамоаси ажойиб жамоа ва унда жуда кўп индивидуал маҳоратга эга футболчилар бор", — дейди франциялик ҳимоячи.
Шунингдек, у бўлажак баҳсда жамоавий ўйин ва ҳушёрлик энг муҳим омил бўлишини қўшимча қилди.
"Мақсадимиз фақат битта футболчига эътибор қаратиш эмас. Сабаби бутун жамоа хавф туғдира олади ва зарар етказишга қодир. Шунинг учун гап фақат Ламин ҳақида эмас, балки бутун Испания жамоаси ҳақида кетмоқда", — дея хулоса қилди Конате.
