Fransiya terma jamoasi himoyachisi Ibrahima Konate bo‘lajak uchrashuv oldidan raqib — Ispaniya terma jamoasi haqidagi fikrlari bilan o‘rtoqlashdi.
Konatening ta’kidlashicha, jamoa diqqat-e’tiborini faqatgina bir futbolchiga qaratmasligi kerak, chunki raqib tarkibida xavf tug‘dira oladigan ijrochilar yetarlicha.
"Biz faqat Lamin Yamalga qarshi qanday himoyalanish haqida o‘ylamaymiz. Chunki Ispaniya terma jamoasi ajoyib jamoa va unda juda ko‘p individual mahoratga ega futbolchilar bor", — deydi fransiyalik himoyachi.
Shuningdek, u bo‘lajak bahsda jamoaviy o‘yin va hushyorlik eng muhim omil bo‘lishini qo‘shimcha qildi.
"Maqsadimiz faqat bitta futbolchiga e’tibor qaratish emas. Sababi butun jamoa xavf tug‘dira oladi va zarar yetkazishga qodir. Shuning uchun gap faqat Lamin haqida emas, balki butun Ispaniya jamoasi haqida ketmoqda", — deya xulosa qildi Konate.
