Англия терма жамоаси ярим ҳимоячиси Жуд Беллингем ЖЧ-2026 чорак финали доирасида Норвегияга қарши кечган баҳсдан сўнг жаҳон чемпионатлари тарихига кирди.
Opta статистик порталининг маълум қилишича, 23 ёшу 12 кунлик Беллингем жаҳон чемпионатларининг плей-офф босқичида кетма-кет иккита ўйинда икки ёки ундан ортиқ гол урган тарихдаги иккинчи энг ёш футболчига айланди.
«Англиялик футболчи дастлаб Мексика билан ўйинда дубль қайд этган бўлса, чорак финалда Норвегияга қарши баҳсда ҳам бу натижани такрорлади. Бу кўрсаткич бўйича ундан олдинда фақат афсонавий бразилиялик Пеле бор. Пеле 1958 йилги жаҳон чемпионатида 17 ёшу 249 кунлигида ушбу рекордни ўрнатган эди», — дейилади хабарда.
Беллингемнинг иккита голи Англияга Норвегия устидан 2:1 ҳисобида иродали ғалаба қозонишга ва ЖЧ-2026 ярим финалига йўл олишга ёрдам берди. Эндиликда инглизлар ярим финалда Аргентина терма жамоасига қарши майдонга тушишади.
