Каталониянинг «Барселона» клуби собиқ футболчиси Ривалдо Испания терма жамоасининг 2026 йилги жаҳон чемпионати ярим финалига чиққани ҳақида фикр билдирди. Чорак финал босқичида Луис де ла Фуэнте шогирдлари Бельгияни 2:1 ҳисобида мағлуб этишди.
«Испанияликларнинг ҳаққоний ғалабаси. Бу жамоа ҳар бир ўйин билан ўз ўйинини кучайтириб бормоқда. Яна бир бор ҳал қилувчи ролни ўйнаган Меринони алоҳида қайд этмоқчиман. У ғалаба голини уриб, жамоасини ярим финалга олиб чиқди. Энди бизни Испания ва Франция учрашуви кутмоқда. Бу энг юқори даражадаги ўйин бўлади», — дейилади собиқ футболчининг ижтимоий тармоқлардаги хабарида.
Франция – Испания учрашуви сешанба куни, 14 июль куни бўлиб ўтади.
