Славен Билич Хорватия терма жамоасининг бош мураббийи этиб тайинланди. 57 ёшли мутахассиснинг миллий жамоага қайтгани ҳақида Хорватия футбол иттифоқи расман эълон қилди.
Билич учун бу миллий терма жамоа бошқарувидаги иккинчи тажриба бўлади. 2006 йилдан 2012 йилгача бўлган даврда у хорватларни иккита йирик халқаро турнирга олиб чиқиб, Евро-2008 да чорак финалгача етиб борган эди.
Хорватия ОАВ маълумотларига кўра, мутахассиснинг йиллик маоши солиқлар чегириб ташлангунга қадар тахминан бир миллион еврони ташкил қилади.
Терма жамоадан кетганидан сўнг Билич Москванинг «Локомотив», Туркиянинг «Бешиктош», Англиянинг «Вест Хэм» ва «Вест Бромвич», шунингдек, Хитой ва Саудия Арабистони клубларида ишлаган. Унинг сўнгги иш жойи икки йил аввал тарк этган Саудиянинг «Ал-Фатҳ» клуби бўлган.
Футболчилик фаолияти давомида Билич Хорватия терма жамоаси сафида 44 та учрашувда майдонга тушиб, 1998 йилги Францияда бўлиб ўтган жаҳон чемпионатининг бронза медали совриндори бўлган.
