"Ноттингем Форест" таянч ярим ҳимоячиси Ибрагим Сангаре билан шартномани узайтиришга яқин турибди. The Telegraph хабарига кўра, 28 ёшли ивуариялик футболчи билан янги келишув 2029 йилнинг ёзига қадар мўлжалланади.

"Ўрмончилар" раҳбарияти Эллиот Андерсон "Манчестер Сити"га сотилганидан сўнг таркиб ўзагини сақлаб қолиш ниятида ва бошқа етакчи футболчилар билан хайрлашишни режалаштирмаяпти.

Сангаре ўтган мавсумни кучли ўтказди ва жамоанинг асосий ўйинчиларидан бирига айланди. Футболчи 43 та учрашувда майдонга тушиб, 2 та гол урди, 3 та голли узатмани амалга оширди ва 6 та огоҳлантириш олди.

Transfermarkt версиясига кўра, Сангаренинг бозор қиймати 20 миллион еврони ташкил этади.