«Марсель» вингери Мэйсон Гринвуд «Фенербахче»га ўтмоқда.

Инсайдер Фабрицио Романонинг хабар беришича, турк клуби англиялик футболчининг трансфери бўйича 40+2 миллион евро эвазига келишувга эришди. Илгари 24 ёшли футболчи тегишли бўлган «Манчестер Юнайтед» ушбу келишув натижасида 10 миллион евродан ортиқ маблағ олади.

Гринвуд «Фенербахче» билан 2030 йилга қадар мўлжалланган шартнома имзолайди, унга кўра футболчининг солиқлардан кейинги йиллик маоши 10 миллион еврони ташкил қилади.

Ўтган мавсумда Гринвуд Лига 1 доирасидаги 32 та учрашувда 16 та гол урди ва 7 та голли узатмани амалга оширди.