"Селтик" футбол клуби ҳужумчи Келечи Ихеаначо билан шартномани узайтиришга ҳаракат қилмоқда.
Шотландия клуби аллақачон футболчига шартнома таклифини узатган.
"Биз Ихеаначога шартномани узайтиришни таклиф қилдик. Кўрамиз, нима бўлишини", деди "Селтик" менежери Мартин О'Нил.
Ўтган мавсумда нигериялик ҳужумчи клуб сафида барча мусобақаларда 24 та ўйинда майдонга тушиб, тўққизта гол урди ва битта голли узатмани амалга оширди.
"Манчестер Сити" ёшлар академияси тарбияланувчиси Ихеаначо инглиз клубининг катталар жамоасида ўйнаган. У шунингдек, "Лестер Сити", "Севилья" ва "Мидлсбро" жамоаларида ҳам ўйнаган.
Ўтган мавсумда ҳужумчи "Селтик" билан Шотландия чемпионати ва кубогини қўлга киритган. Унинг трансфер қиймати 3 миллион еврога баҳоланмоқда.
