"Seltik" futbol klubi hujumchi Kelechi Ixeanacho bilan shartnomani uzaytirishga harakat qilmoqda.

Shotlandiya klubi allaqachon futbolchiga shartnoma taklifini uzatgan.

"Biz Ixeanachoga shartnomani uzaytirishni taklif qildik. Ko‘ramiz, nima bo‘lishini", dedi "Seltik" menejeri Martin O'Nil.

O‘tgan mavsumda nigeriyalik hujumchi klub safida barcha musobaqalarda 24 ta o‘yinda maydonga tushib, to‘qqizta gol urdi va bitta golli uzatmani amalga oshirdi.

"Manchester Siti" yoshlar akademiyasi tarbiyalanuvchisi Ixeanacho ingliz klubining kattalar jamoasida o‘ynagan. U shuningdek, "Lester Siti", "Sevilya" va "Midlsbro" jamoalarida ham o‘ynagan.

O‘tgan mavsumda hujumchi "Seltik" bilan Shotlandiya chempionati va kubogini qo‘lga kiritgan. Uning transfer qiymati 3 million yevroga baholanmoqda.