"Аталанта" клуби "Байер" ярим ҳимоячиси Керим-Сам Алайбегович учун трансфер таклифини беришга тайёрланмоқда.

Football Italia нашри хабар беришича, Италия клуби 18 ёшли футболчи учун 20 миллион евро ва бонуслар тўлашга тайёр.

Transfermarkt футболчининг трансфер қийматини 22 миллион еврога баҳоламоқда. Алайбеговичнинг ўзи ҳам "Аталанта"га ўтишга қизиқиш билдираётгани хабар қилинмоқда.

Футболчи 2025/26 йилги мавсумни "РБ Зальцбург" сафида ўтказди. Барча мусобақаларда 44 та ўйинда у 13 та гол урди ва тўртта голли узатмани амалга оширди.

Алайбегович шунингдек, 2026 йилги Жаҳон чемпионатида Босния ва Герцеговина терма жамоаси шарафини ҳимоя қилди. Қанот ҳимоячиси битта гол урди ва Қатарга қарши ўйиннинг энг яхши ўйинчиси деб топилди.