Ҳимоячи Антониу Силва «Бенфика» билан меҳнат шартномасини узайтирмайди. Бу ҳақдаги маълумот билан инсайдер Николо Скира бўлишди.
Манба берган маълумотларга кўра, Силва «Бенфика»нинг маошни оширган ҳолда шартномани 2031 йилгача узайтириш ҳақидаги таклифига рад жавобини берган. Португалиялик футболчи клубни тарк этишни истаётгани айтилмоқда.
Аввалроқ Силва Италиянинг «Милан» клуби билан шахсий шартнома шартларини келишиб олгани хабар қилинган эди. Трансфер суммаси 25-30 миллион еврони ташкил этиши мумкин.
Ўтган мавсумда 22 ёшли Силва барча турнирларда 41 та учрашувда майдонга тушиб, битта гол урди ва битта голли узатмани амалга оширди.
