Машҳур германиялик собиқ ярим ҳимоячи Тони Кроос Англия терма жамоасидаги «низо» ҳақида нима деб ўйлашини айтиб ўтди.

ЖЧ-2026 чорак финалида инглизлар Норвегияни мағлуб этганидан (2:1) сўнг, «уч шерлар» устози Томас Тухель ўз жамоаси ҳаракатларини бепарволикда айблаган эди. Ярим ҳимоячи Жуд Беллингем эса мураббий фикрига қўшилмай, унинг Эрлинг Холанд, Мартин Эдегор ва бошқа норвегиялик футболчиларга қарши 120 дақиқа давомида қандай об-ҳаво шароитида ўйнаш қийинлигини тушуниши даргумонлигини билдирганди.

«Беллингемнинг Тухель сўзларига бўлган бу реакцияси жуда бўрттириб юборилди. Улар ўртасида ҳеч қандай келишмовчилик бор деб ўйламайман. Майамида ҳақиқатан ҳам чидаб бўлмас намлик бор. 120 дақиқалик ўйиндан кейин сен исталган нарсани эшитишни хоҳлайсан, лекин бундай танқидни эмас – айниқса ғалабадан кейин. Менимча, Жуд шунинг учун бундай муносабат билдирган», — дея Крооснинг сўзларини келтиради Madrid Xtra.

Айнан Беллингем Англия ва Норвегия ўртасидаги учрашув қаҳрамонига айланганди – Мадриднинг «Реал» клуби ярим ҳимоячиси дублга муаллифлик қилган.