Франция терма жамоаси ярим ҳимоячиси Уоррен Заир-Эмери ЖЧ-2026 ярим финали доирасидаги Испанияга қарши ўйин олдидан Килиан Мбаппенинг аҳамияти ҳақида ўз фикрларини билдирди. Учрашув бугун (Тошкент вақти билан соат 23:59) бўлиб ўтади.
«Мбаппенинг салоҳиятини ҳамма билади. Килиан – фавқулодда футболчи. У бундай муҳим ўйинларда ўзини кўрсатишни аъло даражада билади ва ғалаба учун бор кучини беради. Энг муҳими – биз ягона жамоамиз. Умумий саъй-ҳаракатлар билан натижага эришиш учун қўлимиздан келган барча ишни қиламиз», — деди Заир-Эмери матбуот анжуманида.
Ушбу баҳс ғолиби финалда Аргентина ёки Англия билан тўқнаш келади. Соврин учун ҳал қилувчи жанг 19 июль куни бўлиб ўтади.
