«Астон Вилла» ярим ҳимоячиси Юри Тилеманс яқин вақт ичида «Манчестер Юнайтед»нинг янги ўйинчиси сифатида расман таништирилади.

Инсайдер Фабрицио Романо хабар беришича, 29 ёшли футболчи аллақачон тиббий кўрикдан ўтган ва «қизил иблислар» билан шартнома имзолаган. Келишув 2031 йилнинг ўрталаригача мўлжалланган.

Эслатиб ўтамиз, бельгиялик футболчининг трансфери «Манчестер Юнайтед»га 41 миллион еврога тушади – ярим ҳимоячининг «Астон Вилла» билан шартномасида айнан шундай товон пули белгиланган эди.

Юри Тилеманс «виллалар» сафида барча турнирларда жами 134 та учрашув ўтказиб, 10 та гол урган ва 25 та голли узатмани амалга оширган.