Матбуотда марказий ҳимоячи Рональд Араухонинг «Барселона»дан кетиши мумкинлиги ҳақида яна гап-сўзлар кўпайди.
Пау Кубарси, Жерар Мартин ва Эрик Гарсия каталонияликлар сафида «дахлсиз» деб ҳисобланади, Андреас Кристенсен эса яқинда янги шартнома имзолади. Шу тариқа, Араухо «ортиқча» бўлиб қолиши мумкин, чунки у захира ўйинчиси ролидан норози бўлиши табиий. Mundo Deportivo хабарига кўра, агар уругвайлик футболчи кетишни сўраса, «кўк-анорранглилар» унинг ўрнига янги марказий ҳимоячи таклиф қилишга уриниб кўришади.
Рональд Араухонинг «Барселона» билан амалдаги шартномаси 2031 йилнинг ўрталаригача мўлжалланган. Transfermarkt баҳолашича, 27 ёшли футболчининг трансфер қиймати 20 миллион еврони ташкил этади.
