«Тоттенхэм» ҳужумкор ярим ҳимоячиси Хави Симонс Лондон клубининг амбициялари ҳақида жиддий баёнот берди.
— Менинг амбицияларим жамоа ва клуб амбициялари билан мос келади. Биз барча турнирларда ғолиб чиқмоқчимиз, — деди Симонс журналист Мэтт Барлоу билан суҳбатда.
Симонс ўтган ёзда «Тоттенхэм» футболчисига айланганди ва клуб билан 2030 йилгача мўлжалланган меҳнат шартномасини имзолаганди.
2025/26 йилги Англия чемпионати якунларига кўра, «шпорлар» 41 очко жамғариб, турнир жадвалида 17-ўринни эгаллади. Жамоа фақат финиш қисмидагина элита дивизионидаги ўрнини сақлаб қолишга муваффақ бўлди.
АПЛнинг янги мавсуми август ойининг иккинчи ярмида бошланади, бироқ Симонс тиззасидан олган оғир жароҳати (хочсимон пайларнинг узилиши) сабабли турнирнинг катта қисмини ўтказиб юборади.
