«Барселона» ҳимоячиси Жерар Мартин бош мураббий Ханс-Дитер Флик билан ишлаш таассуротлари билан ўртоқлашди.

«Кўк-анорранглилар» немис мураббийи қўл остида иккита муваффақиятли мавсумни ўтказиб, шу вақт ичида бешта совринни қўлга киритди.

«Флик — мулоқотда жуда очиқ инсон. У ҳар доим ўйлаганини тўғридан-тўғри айтади, кучли ва заиф томонларингизни очиқ-ойдин кўрсатиб беради. У керак бўлганда сизни қаттиқ танқид қилиши, яъни танбеҳ бериши мумкин. Мураббий жуда эътиборли, чунки у жамоа бирдам ва диққатни жамлаган ҳолда қолиши нақадар муҳимлигини яхши билади», — дея Mundo Deportivo нашрига берган интервьюсида Мартин сўзлаб берди.

Ўтган мавсумда 24 ёшли испаниялик футболчи каталонияликлар сафида мунтазам равишда асосий таркибда майдонга тушди, бунда у кўпинча ўзи учун ноодатий бўлган марказий ҳимоя чизиғида ҳам ўйнади.