«Barselona» himoyachisi Jerar Martin bosh murabbiy Xans-Diter Flik bilan ishlash taassurotlari bilan o‘rtoqlashdi.
«Ko‘k-anorranglilar» nemis murabbiyi qo‘l ostida ikkita muvaffaqiyatli mavsumni o‘tkazib, shu vaqt ichida beshta sovrinni qo‘lga kiritdi.
«Flik — muloqotda juda ochiq inson. U har doim o‘ylaganini to‘g‘ridan-to‘g‘ri aytadi, kuchli va zaif tomonlaringizni ochiq-oydin ko‘rsatib beradi. U kerak bo‘lganda sizni qattiq tanqid qilishi, ya’ni tanbeh berishi mumkin. Murabbiy juda e’tiborli, chunki u jamoa birdam va diqqatni jamlagan holda qolishi naqadar muhimligini yaxshi biladi», — deya Mundo Deportivo nashriga bergan intervyusida Martin so‘zlab berdi.
O‘tgan mavsumda 24 yoshli ispaniyalik futbolchi kataloniyaliklar safida muntazam ravishda asosiy tarkibda maydonga tushdi, bunda u ko‘pincha o‘zi uchun noodatiy bo‘lgan markaziy himoya chizig‘ida ham o‘ynadi.
