«Фиорентина» «Реал» билан ҳимоячи Виктор Вальдепеньяснинг трансфери борасида оғзаки келишувга эришди. Бу ҳақда журналист Фабрицио Романо ўз ижтимоий тармоқларида хабар берди.

Трансфер суммаси 8 миллион еврони ташкил қилади. Футболчи билан тузиладиган шартнома 2031 йилнинг июнига қадар мўлжалланган. Испания клуби ўйинчининг келажакдаги сотувидан 50% улушни ўзида сақлаб қолади. Айни дамда клублар битимни расмийлаштириш учун керакли ҳужжатларни алмашишни бошлаб юборишган.

Ўтган мавсумда 19 ёшли футболчи «Реал»нинг асосий жамоаси сафида 1 та ўйин ўтказган. Испаниялик ёш ҳимоячи ўсмирлар ва ёшлар турнирларида жами 36 та ўйинда майдонга тушиб, 3 та гол урган, 1 та голли узатмани амалга оширган ва 8 та сариқ карточка олган.