«ПСЖ» вингери Брэдли Баркола фаолиятини Англия Премьер-лигасида давом эттириши мумкин.
Журналист Давид Орнштейннинг маълумотларига кўра, «Ливерпуль» франциялик футболчи атрофидаги вазиятни фаол кузатишда давом этмоқда. Бироқ, агар Барколанинг трансфери амалга ошмаса, «қизиллар» бошқа муқобил вариантларни ҳам кўриб чиқишмоқда. Баркола билан Лондоннинг «Арсенал» клуби ҳам қизиқмоқда, аммо «канонирлар»нинг устувор мақсади «Астон Вилла» футболчиси Морган Рожерс ҳисобланади.
Брэдли Баркола 2023 йилда «Лион»дан «ПСЖ»га 45 миллион евро эвазига ўтган эди. Унинг парижликлар клуби билан тузган шартномаси 2028 йилнинг 30 июнига қадар мўлжалланган. 2025/26 йилги мавсумда форвард парижликлар сафида барча мусобақаларда 49 та ўйин ўтказиб, 13 та гол урди ва 7 та голли узатмани амалга оширди. Transfermarkt портали Барколанинг нархини 70 миллион еврога баҳоламоқда.
