Мадриднинг «Атлетико» клуби ва Руминия терма жамоаси захира дарвозабони Хорациу Молдован Истанбулнинг «Эюпспор» клуби ўйинчисига айланади. Трансфер тафсилотлари ҳозирча ошкор қилинмаган.
Ўтган мавсумда руминиялик посбон «Реал Овьедо» сафида ўйнаган эди. Астурия клуби Сегундага (иккинчи лига) тушиб кетди, дарвозабон эса бор-йўғи иккита ўйинда майдонга тушди. Ундан аввалги мавсумда ҳам Молдован ижара асосида, аммо Италиянинг «Сассуоло» клубида тўп сурган.
Футболчи «Атлетико» тизимига икки ярим йил олдин, Бухарестнинг «Рапид» клубидан келиб қўшилган эди. Бироқ у «матрасчилар» сафида ўз ўрнини топиб кета олмади. Ҳозирда Молдован 28 ёшда — дарвозабон учун омадсиз ижаралардан сўнг фаолиятини қайта тиклаш учун жуда ҳам мақбул ёш.
