Испания терма жамоаси ва «Манчестер Сити» ярим ҳимоячиси Родри Жаҳон чемпионати, Чемпионлар лигаси ва «Олтин тўп»ни қўлга киритган футболчиларнинг элита рўйхатига киришга бир қадам қолди.
Ҳозирги кунда бу «клуб»га атиги ўн нафар футболчи киради: Бобби Чарльтон, Франц Беккенбауэр, Герд Мюллер, Паоло Росси, Зинедин Зидан, Ривалдо, Роналдиньо, Кака, Лионель Месси ва Усмон Дембеле.
Родри «Манчестер Сити» сафида 2022/23 йилги мавсумда Чемпионлар лигасида зафар қучган, 2024 йилда эса «Олтин тўп» соҳибига айланган эди. Энди испаниялик футболчига фақатгина Жаҳон чемпионатидаги ғалаба етишмаяпти.
Испания терма жамоаси Францияни 2:0 ҳисобида мағлуб этиб, финалга йўл олди ва ўз тарихида иккинчи бор жаҳон чемпиони бўлиш имкониятини сақлаб қолмоқда.
